ساقط طب

تعليق واحد7:48 م, بواسطة المحروسة


بنينا زمان
وخفنا لا الزمن ينسى
ف علمنا التاريخ يكتب
لكن نكسه ورا نكسه
عودنا التاريخ يكدب

بدعنا علم جغرافيا
ورياضيات
ولما قسموا الدنيا
عطونا فتات
صرخنا وقلنا دول مافيا
وهناخد حقنا عافيه
طلعنا علينا كمبيالات
ولا نستجري نقاضيهم
ولا من أرضنا نهَوِّب

وقول في الطب يا مداوي
يا هيثم يا ابن سيناوي
طببنا وداوينا
علِّمناها ونسينا
فلحوا هُمَّ وبقينا
فشل كلوي
وساقطين طِب

وازرع يا فصيح زمنك
وشَبّع شعب من كفك
وكُل واشكر
يجيك الشر متستر
يسرطن زرعك الاخضر
ويمسح نُص غيطك مسح
ويقول لك بلاه القمح
وازرع لِب

حِس يا مصري على دمك
وشيل همَّك
دانت يا مصري كرّاسك
صوتك هو صوت فاسك
حِب يا مصري لون ناسَك
واتعلم علام شبهك
وماتحبش كلام كارهك
عشان بتحب

تحرير الرسالة…

تعليق واحد على { ساقط طب }

white paper يقول...
18 نوفمبر، 2011 9:49 ص [حذف]

صوتك هو صوت فاسك.....
عندك حق
كلمات رائعة وتحياتي لك مروة وفي انتظار المزيد من الاعمال الرائعة

هل تريد التعليق على التدوينة ؟