صحبه

تعليق واحد10:09 م, بواسطة المحروسة


يا موت تعال ولمنا صحبه


عندك حبايب عندنا غربه


انا وحبايبي يا موت مانستغناش


يا تلم أعادينا.. ياتلمنا ف تربه




يا موت تعال مانت جيت من قبل


والا انت ماتجيش غير لاعز الأهل


يا موت تعال القلب ملفوف شاش


والنيه صافيه والوداع بقى سهل




يا موت تعال اياكش مستهون


اكمني مش ناشط ولا مدون


هو انت إيه يا موت ماتتمناش


تقطف خيال لساه بيتكون




يا موت تعال والا اقول لك لأ


هانجيلك احنا نزق بابك زق


جايلك شهيد ماتقولش لأ ماجاش


انطق يا موت الحق دانت الحق


تحرير الرسالة…

تعليق واحد على { صحبه }

rosha يقول...
30 يوليو، 2011 12:46 م [حذف]

قهرتينى بكى .......

هل تريد التعليق على التدوينة ؟