كل البنات همها تلبس وتتدلع
وانا منتهى أملي اموت ورا مدفع
كل البنات حوِّشوا واشتروا غوايش
وانا بَحُوش ف جيوش بدفتري البايش
كل البنات حلمت بالطرحه والفستان
وانا طرحتي علمي وفرحتي الميدان
كل البنات نجِّدوا كل البنات زاطوا
كل البنات نجِّدوا كل البنات زاطوا
وانا ميجينيش النوم الا على بلاطو
كل البنات سمَّعوها أغاني للزفه
وانا دندنولي هتاف وانا لسه ف اللفه
كل البنات لبسوا و اتزوقوا لسهرة
وانا خدّي ما اتلوّن غير ليكي ف مظاهره
كل البنات سكّر.. كل البنات ياسمين
وانا ملح من دمعك وريحتي بحر وطين
كل البنات فرحوا كل البنات عايشين
وانا مت يا بلدنا يوم مات صلاح الدين
تعليقان على { كل البنات }
30 يوليو 2011 في 12:43 م [حذف]
الله عليك الله
5 أغسطس 2011 في 7:40 ص [حذف]
تحفة بجد !!!
هل تريد التعليق على التدوينة ؟