يا مبارك
عِد أيامك وعيش قد امّا تقدر
وانسى بكره لحد فجأة
ملك الموت ما يحضر
وفثواني تطول عليك
والا حا تقصر
تلقى نفسك جوه تربة
وشعرك المصبوغ معفر
ويسألوك اللي سؤالهم
كله من قلب المقرر
مين إلهك مين رسولك
قول كده وسمعني قولك
حاتقول إلهك مين
يا عبد سلطانك
وتعرف رسولك منين
يا ناسي قرآنك
ما داهيه يابني لا يسألوك
عن غزه والا عن المعابر
وان هم نسيوا
ما رب الخلق فوق الكل فاكر
وحاتعمل ايه يا كتكوت
لما تقف سلبوت
قدام رب العباد
وجبينك المربوط
مكتوب عليه خاين
باع جنة الملكوت
بقصر وجناين
تفتكر دم العيال وقت السؤال
راح يسوى كام
صرخة الأم اللي شايله ضناها
من تحت الركام
راح تسوى كام
وانت نفسك
انسى جاهك وانسى حرسك
وانت قدام اللي شهد جتتك عليك وخرسك
تسوى كام يوم الزحام
بالك انت يا مبارك
لو تآمن زي باقي الخلق
ان دار الآخرة دارك
كنت خفت لا غاز ترانس
يبقى كله وقود لنارك
واللي يهري واللي يفرس
إنك اما تغور وتفطس
شعب مصر اللي هايورث
كل خذلانك وعارك
عِد أيامك وعيش قد امّا تقدر
وانسى بكره لحد فجأة
ملك الموت ما يحضر
وفثواني تطول عليك
والا حا تقصر
تلقى نفسك جوه تربة
وشعرك المصبوغ معفر
ويسألوك اللي سؤالهم
كله من قلب المقرر
مين إلهك مين رسولك
قول كده وسمعني قولك
حاتقول إلهك مين
يا عبد سلطانك
وتعرف رسولك منين
يا ناسي قرآنك
ما داهيه يابني لا يسألوك
عن غزه والا عن المعابر
وان هم نسيوا
ما رب الخلق فوق الكل فاكر
وحاتعمل ايه يا كتكوت
لما تقف سلبوت
قدام رب العباد
وجبينك المربوط
مكتوب عليه خاين
باع جنة الملكوت
بقصر وجناين
تفتكر دم العيال وقت السؤال
راح يسوى كام
صرخة الأم اللي شايله ضناها
من تحت الركام
راح تسوى كام
وانت نفسك
انسى جاهك وانسى حرسك
وانت قدام اللي شهد جتتك عليك وخرسك
تسوى كام يوم الزحام
بالك انت يا مبارك
لو تآمن زي باقي الخلق
ان دار الآخرة دارك
كنت خفت لا غاز ترانس
يبقى كله وقود لنارك
واللي يهري واللي يفرس
إنك اما تغور وتفطس
شعب مصر اللي هايورث
كل خذلانك وعارك
المحروسة – ديسمبر2008 أثناء قصف غزة
هل تريد التعليق على التدوينة ؟