انت تاني؟؟

أضف تعليق12:23 ص, بواسطة المحروسة



تاني يا باشا؟

لساك يابني بتخرب عشك
وانت معمص لسه ما فقت
لسه صوابعي مزوقه وشك
وانت معاند برضو ما تبت 
اسمع مني الناس بتغشك
والا انت استحليت السحت

شفت كبيرك لما عاندنا
شرف فين
شفت كبيرُه لما عنِدنا
مين بقى فينا بيحكم مين؟
لم الدور يا جميل وحياتك
وارجع يابني لحضن اخواتك
لاحسن وحياة اللي حياتك
عنده دقايق
وانت فاكرها ايام وسنين
نرجع تاني نقول سلميه
فاكر يابيض
فاكر ياسمر
فاكر ياللي لا لون ولا دين
سلميه البت العفريته
جابت داغكو فظرف يومين

ارجع يابني عن اللي فراسك
لا بوحياة غازك ورصاصك
اخليك تحلم 
كنت فارقت الدنيا ومت
قبل نهار 25

تحرير الرسالة…

هل تريد التعليق على التدوينة ؟