حوس يا حواس

تعليق واحد8:18 م, بواسطة المحروسة



منديل الست
طربوش شكوكو
وفرخ بردي
من ورث ابوكو

خدلك يا باشا
خرطوش آمون
خاتم لزوجتك
فضلة قارون

حدش له شوق
مدفن يا ذوق
من عهد مينا
طاب خد ياخينا
مبسم فاروق

كازيون يا باشا
أصلي باصَفي
مش لاقي واحد
يشهد ف صفي

خدوا يا عالم كنز المغارة
خدوا حتى مني أم الوزارة

أنا عارف انه ده سحر كهنة
وامي قالتلي لعنة فراعنة

وحلمت إني
بانفخ في بوق
وبابص تحتي
لقيت خازوق

تعديل الرسالة…

تعليق واحد على { حوس يا حواس }

Unknown يقول...
25 يوليو 2011 في 11:04 م [حذف]

هههههههه ضحكتينى على الصبح ربنا يسعدك :)

هل تريد التعليق على التدوينة ؟