أنا المواطن ياض

3 تعليق10:20 م, بواسطة المحروسة

وله ولااا ولاااا
أنا المواطن ياا
أنا المواطن يلا

انا اللي ذاكر
وانا اللي هاجر
وانا اللي واقف ببيع تذاكر
انا العساكر يالاااه

انا اللي بخبز
وانا اللي امهمِز
ولما تغرِز
انا اللي بنجز
أنا المركَّز يالاااا

تنام فلوسكو
فكروش بنوككو
وصاحبي قاعد
يدفي كشكو
سهران حارسكو يالااا

انا التومرجي
وانا الادارجي
واتذل داخلي
واتذل خارجي
وانا البرنجي يالااا

انا الضرايب
انا المرتب
وانا اللي بلعب
ولا عمري بكسب
وافضل مؤدب أنا
حس بشقايا يالااا

انا اللي شكلي
ماهوش لذيذ
ماعرفش اقول لك
ميرسي وبليز
سيمون فوميه
وجبنة معيز
حاجات تغيظ دي يااا
كلامكو يفقع يالااااااا

انا الدويقه
انا الحريقه
انا اللي راحوا
فمركب غريقه
انا اللي قضا
سنين ف ضيقه
أنا الكوارث يالااا

انا المظاهره
والمليونيه
انا اللي واقف بصد مِيّه
انا اللي بلدي صفِّت عنيَّه
وقالتلي دنك مربوط فساقيه
ولا قلت أيّايايا
اكمن راجل يااااا
أنا الرجوله يلااااا


انا البدايه
وانا النهايه
ف لما اغني
تسمع غنايا
انا اللي عندي كل الحكايه
موش حد تاني ياض
قوم للمواطن يالاااا


تحرير الرسالة…

3 تعليق على { أنا المواطن ياض }

أحمد نجم يقول...
31 يوليو، 2011 6:00 م [حذف]

روعة الروعة بجد

المحروسة يقول...
31 يوليو، 2011 6:45 م [حذف]

من ذوقك والله :))

NotSorry يقول...
24 أكتوبر، 2011 3:14 م [حذف]

اتمنى المتابعة لـ نشر كلماتك على فيس بوك من هنا
====
https://www.facebook.com/photo.php?fbid=188964121183345&set=a.102182133194878.4436.101897879889970&type=1&ref=nf
=====

هل تريد التعليق على التدوينة ؟