من وحي السمسميه

أضف تعليق6:08 ص, بواسطة المحروسة



غني يا سمسميه
للناس الثورجيه
ولمصرنا العفيه
ولفجرنا  اللي راجع

جرسي اللي سارق
طفي نيران المحارق
زفي الليل المفارق
وقوليله الشمس جايه


لفي وصحي الغلابه
واحكيلهم عالديابه
وعالناس الطيابه
المربوطين ف ساقيه

صحي بيوت السوايسه
احكيلهم عالتوانسه
طردوا ابن الأبالسه
صبحت عاده وغيّه

غني يا سمسميه
للناس المصراويه
فمياديننا الأبيه
ثورة فكل الشوارع

ثورة عالبطاله
عالخونه وعالعماله
ثورة موش اشتغاله
ولا حركة عنتريه

ثورة يا ام مينا
على حكومة مارينا
ثورة يا أمينه
على اصحاب الوسيه

ثورة يا جمال
على قتلة بلال
لو رمل الدنيا مال
ماقبلش فوِلدي ديّه

ثورة يا بورسعيد
يا ملبسه الجديد
يا مجهزه الشهيد
اشهدي عالثوره ديّه

وغني يا سمسميه
للناس المصراويه
فمياديننا الأبيه

تعديل الرسالة…

هل تريد التعليق على التدوينة ؟