‫عزبة القرود‬

عزبة القرود

في العزبة بشر وبقر ومعيز

في العزبة شباب بقلوب عواجيز

وام الخير تشحت مالخوجه لبُكره خبيز

ولا تعرف عود البنت من اشجار الجميز

في العزبة حمير لابسين بهوات

وبشر خرفان خايفه تقول هات

وديوك صياحه بكل أباحه في قاموس البذاءات

والإسم بنات

في العزبة ديابة وحارسه فراخ

وامخاخ بتقسم رزق امخاخ

نزرعها خضار نحصدها سباخ

دوَّخنا الحق وراخر داخ

في العزبة عرايس بغبغانات

قدام كاميرات ورا ميكروفونات

بيتابعوا أنباء الفاتنات

هبصوا يا ولاد قلدوا يا بنات

في العزبة قرود عملوا مظاهرات

ياما موز بيقوِّم في الثورات

يا نعيش عالشجرة كرام كبارات

يا نموت ولا نعجن يا حضرات

عزبة القرود