جنان

أضف تعليق8:16 م, بواسطة المحروسة

شوفلي ف قلبَك أي مكان
نُص شقاوة رُبع حنان
حاجة تصَبَّر قلب جعان

شوفلي ف عينَك نظرة رقيقة
نظرة تخلِّي الحلم حقيقة
شوفلي ف إيدَك لمسه بريئة
شوفلي ف حضنَك بَر أمان

شوفلي الكف وقول لي انا شايف
إنِّك عاشقه وقلبِك خايف
وان شفايفِك حابسَه شفايف
عاوزه شقاوة وطالبه جنان


ولّا أقول لك
شوفلي وشوفلك
تاني ميدان

تحرير الرسالة…

هل تريد التعليق على التدوينة ؟