عاش الشارع

أضف تعليق12:39 م, بواسطة المحروسة


مش هستنى الحلم يضيع
بلا عسكر بلا حكم بديع
مرسي يهيِّس
نخبة تفلِّس
عاش الشارع للجرابيع 

عاش الشارع للجربوع
اللي مقدر معنى الجوع
عاش الشارع للي فداه
اللي بدمه خلقله حياه
عاش الشارع للمجاميع 

عاش الشارع للثوار
اللي هتافهم ورد ونار
اللي الواحد ضُفْرُه برقبِةْ
مجلس من نواب العار
عاش الشارع للمقاطيع 

عاش الشارع!
واحنا كمان قررنا نعيش
ونأسِّس دولِةْ حرافيش
دولة بتقرا الصبح لسارتر 
وتنفَّض لأوباما وكارتر
وتوفَّر تمن الخراطيش
تحيا مصر!
وتسقط دولة أي شاويش!

تعديل الرسالة…

هل تريد التعليق على التدوينة ؟