‫المغارة‬

المغارة

مصر يامّه يا مغارة

واللصوص على كل حارة

كنت جايلِك بس آسف

ثَـبِّـتـوني في الإشارة

مصر يامّه يا ماتش كورة

ينتهي ب80 شهيد

مصر يامّه يا فاتورة

عالية وابنك ع الحديد

مصر يامَّه يا بندقية

والعساكر مِيّة مِيّة

كام مظاهرة ومليونية

ألف حسرة و100 خسارة

ع الحقوق والإنسانية ‎‫

نفس أصحاب الزريبة

رَكِّبوا دقن وزبيبة

واحنا بردو زي ماحنا

خيبة بتجرجر فخيبة ‎‫

نفس أصحاب التكية

والمناظر هِيّا هِيِّا

بعتروا اوراق القضية

طرمخوها ولاد لعيبة

نفس أصحاب المصالح

واللي جاي زاي اللي رايح

واتنسى الدم اللي سايح

من وشوش دافية وحبيبة ‎‫

مصر يامَّه يا مغارة

300 مليون خسارة

المغارة