ذكرى الثورة.. عيد الثورة.. مذبحة الثورة.. إختار

التعليقات مغلقة

إقروا الكلام من تحت لفوق معلش..

 المحروسة_مروة مأمون 

أنا جوايا كره للمجلس وحزن ع الشهدا لو ركزت فيه هكتب كلام أجمد من اللي أي حد فيكو يعرف يكتبه عن وجوب الاتشاح بالسواد ومقاطعة المحتفلين.
 المحروسة_مروة مأمون 

آه على فكرة.. سهل قوي قوي الواحد يقول للناس اللي هي عايزه تسمعه بس.. ويبقى لطيف وحبوب.. والناس تحبه جدا.. بس يبقى هو كده غالبا ما بيحبهمش.
 المحروسة_مروة مأمون 

بكره تفتكروا كلامي وتقولوا خالتي المحروسة قالت.. أو يمكن تنسوا زي ما نسيتوا إحنا بدأنا منين ووصلنا لإيه. ده جمال كان بيتقال له يا ريس!
 المحروسة_مروة مأمون 

واللي مش شايفنا حققنا حاجة لقدام يبص وراه.
 المحروسة_مروة مأمون 

المجلس ما يعتبش الميدان.. دي معركتنا بجد.. الميدان للشعب.. ملك الشعب.. احتفال المجلس يبله ويشرب ميته.
 المحروسة_مروة مأمون 

الثوار بس اللي بيخسروا.بيخسروا أرضية في الشارع لما بيظهروا بمظهر الرافض لكل ما يفعله التيار الفائز كإنه قماص أو خاسر سيء.الشارع وقود الثورة.
 المحروسة_مروة مأمون 

لو كل الثوار الغير إسلاميين ما نزلوش الميدان.. الميدان هيتملا إسلاميين وهيحتفلوا بشكل وقور جدا هيعجب غالبية الشعب المصري ومحدش هيفتقد حد.
 المحروسة_مروة مأمون 

انا مش محتاجه اقول لكو الكلام ده خالص..واللي يفكر للحظة يلاقي ان غياب الثوار عن الميدان يوم 25 يناير مش هيفرق مع حد خالص غير مع اللي بيحبهم
 المحروسة_مروة مأمون 

ولآخر مرة هقولها.. الميتم لمبارك وشلته.. شهداءنا يستحقون أن يحتفل بهم الثوار لا المجلس العسكري.. شكلكو إيه والمجلس هو اللي بيحتفل بشهداءكو؟
 المحروسة_مروة مأمون 

أنا مقدرة مشاعر كل المكتئبين..كل الكروب العظيمة بتجيب بلاوي نفسية للعظماء الذين شاركوا فيها.. نغرق كلنا في دوامة الكآبة أم ننتشل بعنا بعضا؟
 المحروسة_مروة مأمون 

الشهدا:أتحدى مخلوق يقول لي ان مصر لم تحتفل بجنودها المنتصرين العائدين من سيناء بعد حرب أكتوبر احتراما لدم الشهداء الذي سال منذ أيام. دي خدعة
 المحروسة_مروة مأمون 

هاه أخدنا كام على عشرة؟ شفتو بيحبطونا ازاي عشان حاقدين على ثورتنا؟ شفتو كفرونا بنجاحنا وسرقوا منا فرحة النصر ازاي؟
 المحروسة_مروة مأمون 

باقي المطالب: الانتخاب بالرقم القومي. فرص إعلامية متكافئة للمرشحين... هذه هي السبع مطالب التي تضمنتها وثيقة الإصلاح التي حاربنا من أجلها.
 المحروسة_مروة مأمون 

المطالب: إنهاء حالة الطوارىء.إشراف قضائي كامل على الانتخابات مع إشراف المجتمع المدني.منح المصريين بالخارج حق التصويت.تعديل المواد 76و77و88.
 المحروسة_مروة مأمون 

لا تجعلوا عقولكم لعبة في يد المجلس العسكري الذي أحبطكم وأعجزكم عن رؤية ما حققتموه حتى نقلتم إحباطكم إلى الشارع فبدأ ينفض عنكم إلى غيركم.
 المحروسة_مروة مأمون 

راجعوا مطالب الإصلاح السبعة التي وقعنا عليها في عهد مبارك وكانت منتهى أملنا.. راجعوا كم تحقق من مطالبنا ثم قولوا لي أن الثورة لم تحقق شيئا.
 المحروسة_مروة مأمون 

هذه الثورة بدأت تحررني حتى قبل أن تنطلق.منذ بدأت أحلم بها وأنا أتحرر.حقها علي أن أحتفي بها.وحق الشهداء علينا ألا نقلل من إنجازهم ونقول فشلت.
 المحروسة_مروة مأمون 

ألا يكفي الثورة فخرا وسببا للاحتفال أنها أعادت للبطولة هيبتها بعدما جار عليها الزمان حتى أسبغها على أشباه الفنانين ولاعبي كرة القدم؟
 المحروسة_مروة مأمون 

"الثورة لم تحقق أيا من أهدافها" جملة سلبية جدا ومضرة جدا للثورة..لازم تؤمن بما تحقق.تخيل شركة شغاله بقالها سنة,تعلن خسارتها ثم تطلب مساهمين!
 المحروسة_مروة مأمون 

الاحتفال مش رقص وطبل.. الاحتفال في نظري يعني هتاف وأناشيد حماسية..يعني نحتفل بالشهدا اللي حررونا من قيد الصمت ونوعد أهاليهم باستكمال الكفاح.
 المحروسة_مروة مأمون 

اللي المفروض يلبسوا إسود ويعملوا ميتم يوم 25 يناير هم الفلول والمجلس العسكري اللي آويهم..أنا هحتفل بذكرى اختراق الشعب المصري لحاجز الصمت.
 المحروسة_مروة مأمون 

إقتراح: عمل لافتات جاهزة مكتوب عليها:"أؤيد البرلمان وبأمِّن الميدان". وتوزيعها على كل من يرغب في البقاء لتأمين المعتصمين بلا تأييد لمطالبهم.
 المحروسة_مروة مأمون 

لعلمكو الإسلاميين حاميين جدا وأي حد يتّك على حتة الفداء والشهادة هيجيبهم أرض..استغلوا فرصة انهم نزلولكو الساحة..وهُم بعاد البعد بيعلم الجفا.
 المحروسة_مروة مأمون 

"يا مشير يا مشير~ الجماعه في التحرير"...آه اهتفوا لبتوع الجماعه الإسلامية كمان.. مش مصريين دول وليهم تار مع العسكر زيكو واكتر منكو؟
 المحروسة_مروة مأمون 

والله لو انتو أذكيا أول ما تلاقوا الإخوان داخلين الميدان تهتفوا.."يا طنطاوي قول لعنان ~ الإخوان رجعوا الميدان" وتهيصولهم وتزفوهم زفة الترحيب
 المحروسة_مروة مأمون 

اقعد من دلوقتي فكر.. أضم الإسلاميين لاعتصامي ازاي .. مش اخلص من وجودهم في البرلمان ازاي.
 المحروسة_مروة مأمون 

هل انا عبيطة وبحلم.. طاب مش نحلم بعبط احسن ما نموت بالعبيط؟
 المحروسة_مروة مأمون 

وانت في الميدان لقيتهم مروحين وسايبين الميدان.. اهتفلهم يقعدوا مش تهتف ضدهم.. حد يمسك المايك ويغني اغاني عارف انها تحرك الصخر..إغريه يا ريّا
 المحروسة_مروة مأمون 

فلو فرضنا ان الثوار شايفين الاخوان باعوهم.. طاب استثيروا فيهم النخوة وفكروهم بالعيش والملح.. مش تلعنوهم وتموتوا وهم يستغفروا ويتوبوا وتخلص!
 المحروسة_مروة مأمون 

واحد ماسك مطوة وهيدبحني وجاري اللي لا بطيقه ولا يطيقني شاف وطنش.هلعنه واشتمه وانا بطلع في الروح ولّا هستثير فيه النخوة وافكره بالعيش والملح؟
 المحروسة_مروة مأمون 

وعلى رأي الملهم توفيق عكاشه "أوطي أبوس جزمكم" ما تهتفوا ضد بعض..ذكرى الثورة نهتف هتافات الثورة..احنا ما ثرناش ضد الإخوان والسلفيين.
 المحروسة_مروة مأمون 

لا وقت خناق ولا وقت تصفية حسابات..لو شايف الإسلاميين وحشين بكره البرلمان يفضحهم.. لو طلعوا كويسين نبقى كلنا كسبنا. والبرلمان مش عرش مصر.
 المحروسة_مروة مأمون 

دماغك تقول لك الإسلاميين سرقوا البرلمان ونازلين يسرقوا الميدان اللي اتخلوا عنه ولازم نطردهم من الميدان ونحسسهم بغلطهم.. قول لصاحبك يلسعك كف.
 المحروسة_مروة مأمون 

شيخك ولّا حزبك يقول لك الاعتصام مرفوض..قول له مش معتصم يا شيخنا..أنا بايت في الميدان حقنا للدم الذي حرمه الله ودرءا للفتنة..رفَض..استفت قلبك
 المحروسة_مروة مأمون 

لو العسكر شاف الميدان رُبعُه معتصمين وثلاثة أرباعه ناس رافضين مطالب الاعتصام ومع ذلك قاعدين يحموا اخواتهم المعتصمين..هيسلموا السلطة امبارح.
 المحروسة_مروة مأمون 

اللي نازل يحتفل..لو لقى اخواته ناويين يعتصموا.. أمانه ما يسيبهم ويمشي.. العدد أمان.. كردن على اخواتك وبات معاهم وارفع يافطة ارفض مطالبهم.
 المحروسة_مروة مأمون 

كل واحد يقول لأهله وجيرانه.. مش مهم نازلين نطالب بإيه يوم 25..المطالب تتفرق زي ما هي عايزه..والناس تتوحد على حماية من يطالب بدون دعم مطالبه.

تعديل صفحة…