تشاهد الأن جميع تدوينات شهر 2014. إظهار كافة الرسائل

رجل الأثير

6 تعليق3:08 ص, بواسطة المحروسة

توضأ بدمعي وأقم الصلاة
ورتِّل غرامي واخشع بِهِ 
سأُمطرك نهراً يحيي الحياة
وأنهكك عشقاً أيا ملهمي

أيا رجلُ .. يطارد ظله ظلي بأفكاري
أيا رجلُ يعانق طيفه طيفي بأسحاري


يا رجل الأثير .. لا أطلب الكثير .. 
سلاماً بصبحٍ وغمراً بليل .. 
وبعض الغرامِ بما بين بين ..


يا رجلاً من غمام .. قبَّلَني واستدار .. 
 وغاب في الزحام .. مع صافرة قطار ..

يا رجلاً من عبير .. يا مسك الذكريات .. 
يا سكّر النبات .. 
خياليَ أنت وقلبي الكبير ..
يا رجل الأثير 


اكتب لي نهاراً بلا ذكريات
أوقف الحياة .. 
وقبِّل الجبين ..
ببصمة الشفاة .. امسح الحنين 
وداو الآهات ..



وغن من جديد ..
غن لي غيوماً ومطراً لنرقص!
وعِدني غراماً شهياً لا ينقص!
وخُذني للبعيد ..

يا رجل السماء .. 
أسرج غيومك وشُدَّ الرِّحال 
وخذني للشتاء ..
سأمطر نساءً وتُمطر رجال!
 ونملأ الأثير، بحديث المساء ..



*الصورة ليست فوتوشوب، الفنان بيرنو سمايلت تمكن من صنع سحب صغيرة وحبسها داخل أربع جدران

رسائل مفتوحة إلى رجل مغلق - الرسالة الثانية

تعليق واحد1:41 م, بواسطة المحروسة

عزيزي،
بصراحة، أنا لا أحب أمثالك، لا أحب صانعي الثروات، لا تفهمني خطأ، لا مشاكل عندي مع الثراء، لا مشاكل عندي مع من ورثوه، عندي مشكلة مع من يقضون عمرهم في جمع الثروات، لا أفهم مغزى ذلك .. ولا أفهم معنى لكثرة المال ، كنت أستلم راتبي فأضعه في جارور مفتوح ليأخذ منه إخوتي ما شاءوا متى شاءوا .. وأكره "التحويش" اللهم ما أنساه عمداً في جيوب معاطفي الشتوية لأفرح به عندما أعاود ارتدائها .. لطالما امتعضت سرا ممن "يكنزون" المال وحين التقيتك رفضت تصديق أنك منهم .. لأنني لم أر فيك سوى صديقي اللطيف ولم أحب أن تكون منهم! وحوش الذهب الأشرار!

حتى التقيتها .. طفلة في نفس عمر ابنتي .. جاءت للحياة قبل ابنتي بساعات قليلة، لكنها لم تسمع صرخة ميلادها، ولم تسمع أباها وهو يؤذن في أذنها، لم تسمع أمها وهي تهدهدها كي تهدأ .. فلم تهدأ .. تحتاج الطفلة لعملية كبيرة ومكلفة كي تستمع لصوت الحياة .. أسقط في يد أبيها الموظف المحترم الذي لا يغطي تأمينه ابنته الرضيعة، لجأ لزملائه .. حاولنا جمع المبلغ .. فشلنا .. أسقط في يدنا .. تذكرتك .. أرسلت لك بيانات الحالة .. فجاء ردك المقتضب .. "بُكرة ان شاء الله" وجاء الغد .. وصدقت وعدك .. أنقذت أسرة ومنحت طفلة صوت الحياة .. منحتها نعمة الاستماع لهدهدة أمها ولحنان أبيها .. ستسمع صوت غناء أمها وستنطق .. بفضل تلك الأوراق التي لم أكن أجد مغزى لجمعها .. 

الاعتذار الثاني
أعتذر عن أحكامي المسبقة ..

المحروسة
مرسى علم 

مش حرام!

تعليقان8:26 ص, بواسطة المحروسة

ما تكونش غير نفسك
 واياك تهينها لحد
 كسّر ضلوع يأسك
 وخد هزارك جد! 

ما تعيشي نص حياة
 ولا تصاحبش انصاص
 خُد الجنان لمداه 
معدش وقت خلاص!

مش حرام مش حرام! 
حب واعشق لما قلبك ينفجر
 انسى نفسك للغرام ..
 واوعى تنسى وتفتكر!

بعد منك

5 تعليق6:49 ص, بواسطة المحروسة

عايزة أمشي ألف ميل
وابكي نيل
واحكي عنك للوجود
وانفجر زي البارود
وارتمي فحضن النجيل

عايزة ابوسك واعتذرلك
لو خنقتك أو ضايقتك
أوعى تزعل بعد اذنك
كان حنان والله ما اكتر
كان جنان والله ما اقدر
أحتمل منك برود!

نفسي اصارحك، بس خايفة
مش حصالحك، بس آسفة
الهوى ملهوش حدود


سأكذب

تعليق واحد7:52 ص, بواسطة المحروسة

لأنك أدمنت شوقي إليك 
سأخفي قصائد حنيني وأصمت
وأغفو خيالاً على منكبيك

لأنك أدمنت مني الحنان
وعودتني في هواك الغياب
سأهرب منك لأبعد مكان
وأخفي هواي بطيّ الكتاب
وإن قلت "ما بك؟"
سأكذب عليك ..

مش بغازلك

أضف تعليق7:43 ص, بواسطة المحروسة


أنا مش بغازلك ومش قصدي اشاغلك .. 
كلامي المزوق ده غزْل القصايد
وجو المناكفة، حنان قلب فايض
الشعر حالة .. لكني استحالة
أزود مشاكلك ..
أنا مش بغازلك ..

ما خسرتش

أضف تعليق7:28 ص, بواسطة المحروسة

ما خسرتش غير حبة وقت ..
ووجع القلب .. وطول تفكير
ما خسرتش .. وخسرت كتير 

ما خسرتش وان كنت بكيت
اهو من طيبتي
مجنونة أنا عشقت وحبيت 
شرير وبيضحك على خيبتي

ما خسرتش وانت الخسران
وحقابلك ع النيل سهران
وافرح إنك جيت بسلامة
وافرح فيك انك حيران








جاي فبالي

أضف تعليق7:21 ص, بواسطة المحروسة

جاي في بالي الليلة اغازلك ..
أوصفك وأكيد عوازلك ..
 أوهبك روحي الليلة دي 
وبُكره أعمل ناسية شكلك ..

بكرهك

أضف تعليق6:07 ص, بواسطة المحروسة

بكرهك
زي ما بكره عيوني
لما تفضح حبي ليك
بكرهك
زي ما بكره حروفي
لما بتشاور عليك

بكره الضعف اللي فيا
بكره القوة اللي فيك
بكره الحاجة الخفية
اللي بتقربني ليك!

بكرهك!
بكرهك واكره مشاعري
واتخنق وأقول ناسيني
أخنق الأحلام في صدري
 واتولد لما تناديني ..

صلني

أضف تعليق5:57 ص, بواسطة المحروسة

اشغلني بيك يا كريم يا اقربلي من روحي ...
 واشغلني عن مين انشغل وفاتني لجروحي ..

صورتك

أضف تعليق5:54 ص, بواسطة المحروسة
بفتّح عيني على صورتك 
أبوس قورتك وأتبسّم 
وطول اليوم انا فسيرتك
 أسيرتك لمّا تتكلم 

النداهة

أضف تعليق4:29 ص, بواسطة المحروسة

انشالله يا حارم عيني النوم
ما تنام غير وانت بتحلم بي
انشالله يا رب ما ترتاح يوم
غير وانت مشرف هنا جنبي

والنبي لابعتلك طيف ورا طيف
ما تلاحق تفهم إيه صابك
وتقول يا مغيث وتقول يا لطيف
وتخاف على نفسك وشبابك

سلطت عليك الليل بنجومه السهرانة
يا مسهر قلبي عليل وعيوني الحيرانة
سلطت عليك مواويل العشق السكرانة

سلطت عليك النداهة وعروسة البحر اللعبية
تفضل متشحتف في متاهة زي امّا محير أمانيا

ورحمة ستك

أضف تعليق4:28 ص, بواسطة المحروسة

وحياة ما حبك دوبني
 ودلعك عليا معذبني
 لارمي الشبك يغمز ويصيب
 و الِمّ شعري الشمس تغيب
 وتجيني وأقولك .. سيبني

وحياة ما بتغيب عن عيني
 وتسيبني أنكُت في حنيني
 لالوّعك بالعين والرمش
 واعلمك إزاي ما تغيبش
 وتبات تغني و تلاغيني

وحياة ما شايف كده حالك
 لسهّرك واشغل بالك
واما تحايلني حرضى تقابلني
 اكمن ستك دعيالك


انشالله مبسوط

أضف تعليق4:23 ص, بواسطة المحروسة

انشالله تكون مبسوط
 ومزاجك كده مظبوط
 متعشي حمام والشغل تمام
 وانشالله انا اطق واموت 

انشالله الصحة بخير
يا مغلبني يا شرير
أبعت مراسيل وعاملي تقيل
اكمن انا قلبي كبير!

ما يشبهنيش

أضف تعليق4:14 ص, بواسطة المحروسة


ما يشبهنيش
حكايته في الحياة حكاية
ومش فاهمة!
بيعمل إيه في دنيايا
ولا لاقية لهواه نهاية
وما اخترتش وما اخترنيش!

ما يشبهنيش ..
 وأحلامه ما تشبهش اللي بحلم بيه
حياتي شعر وأغاني
وناس للفجر عشقاني
 وهو عايزني أسهرله واحايل فيه

ما توحشنيش

أضف تعليق4:06 ص, بواسطة المحروسة

ما توحشنيش
ولا تيجي فأحلامي وانا صاحية
 ما تنفعنيش ولا انفع حد في الدنيا
أنا درويش وحبك ذنب وخطية
وبترجاك.. ما توحشنيش


ما تشغلنيش
دقايقي يادوب يساعوني
ما تسألنيش
إيه سر الحزن في عيوني
أخاف لا الناس يشوفوني
بحب واعيش

مش فاضي

أضف تعليق4:01 ص, بواسطة المحروسة
عارف إنك مرة حتصحى وما تلاقينيش
وحتتمنى كنت تقولي كل مقولّك ما بتحكيش
وحيوحشك الرغي الفاضي
وحتندم إنك مش فاضي
تاخد حتى ومتديش

غلاوة

أضف تعليق3:59 ص, بواسطة المحروسة

ببوس كلامك حرف حرف م الغلاوة
وبموت فحبك حبة حبة وبالهداوة
سمِّيه غرام سميه دلع سميه شقاوة
 بعشقك

سلحوف

أضف تعليق3:56 ص, بواسطة المحروسة
سلحوف وبطيء، وممل خنيق 
مش عارفة انا إيه اللي مصبرني 
لا وباله طويل، وعاملي تقيل
 أبعت مراسيل ما يعبرني!

مفيش راحة

أضف تعليق3:53 ص, بواسطة المحروسة
مفيش راحة .. 
مبيحبش يريحني .. 
ولا مرسيني على بَره 
ولا بيغلط ويجرحني .. 
ومش فهماله بصراحة ..

بعشقه

أضف تعليق3:50 ص, بواسطة المحروسة

بعشقه
بيحط راسه فحضني وارقيه م الأذية
وابوس عيونه يغمضوا فأحضان عينيا 
ينام وانا اسهر خايفة اكون بحلم وخايفة
ييجي النهار يصحي قلبي يفوّقه

قول صباح الخير

أضف تعليق3:46 ص, بواسطة المحروسة
قول صباح الخير بأه لانا اتخنقت ..
 العمر واقف مش بيمشي ..
 والقمر سهران ما نامشي .. 
والشمس دافنة وشها فحضني اتحرقْت!

كدبة

أضف تعليق3:40 ص, بواسطة المحروسة

كدبت الليلة على نفسي
وقلت اقدر على فراقه
وقلت اعيني لو تقسِي
شوية هننسى أشواقه

وكدب بكدب مش فارقة
تعال احلف وحلِّفني
وهحلف إني مش عاشقة 
وتحلف كدْب حبيتني 

يغمض

أضف تعليق3:36 ص, بواسطة المحروسة

يغمض عينه يوحشني ويروح في النوم
ويسكت حبة يوحشني ويبوظ اليوم
ومش قابلة فهواه من حد نصح ولوم
بيوحشني

رصاصة

أضف تعليق3:34 ص, بواسطة المحروسة

الخرم اللي بتزعق فيه الريح
المخروب اللي اسمه القلب
قبل ما حبك فيه يندبّ
كان مليان رقص وتفاريح

الوجع اللي فصدري كإنه رصاصة
الشوق اللي ملوش تفسير!
أنا مش طالبة كتير
أنا برضى بوردة ومصاصة

سأكتب عنك

أضف تعليق3:32 ص, بواسطة المحروسة

سأكتب عنك بوضح النهار
فتعشقك مثلي ألوف النساء
ولا لن أغار
أنا دُر بحرك وهُنّ الغثاء

سأكتب عنك بغسق الليالي
وأُعلي بذكرك شأن الغناء
ولا لن أبالي
إذا قيل جُنّت وضاع الحياء

سأكتب عنك بكل الفصول
أدفئ بإسمك قلب الشتاء
وأُحيي السهول
وأتركك تفعل بي ما تشاء

ولو أستطيع

أضف تعليق2:00 ص, بواسطة المحروسة

ولو أستطيع .. حملت إليك نهار الربيع، ونهراً بديع، وسربَ أوزٍ يحلق كيلا تمل السماء.. بالرغم أني .. أحب الشتاء.


ولو أستطيع .. قهرت الرجال، وقُمْت على باب قلبك بسيفٍ وحفنة رمال، أقطع رؤوس الكلام السخيف، وأذرو الرمال بوجه المآسي، وأخفي طريقك كيلا تقاسي.

حبل حرير

أضف تعليق10:30 ص, بواسطة المحروسة

الخيط اللي بيربط قلبي بقلبك
حبل حرير مجدول
شوق وحنين موصول
يوجع لما أعاتبك

الخيط اللي بيربط قلبي بقلبك
طرفه فكف الشمس
وبيرقص ع الهمس

الخيط اللي بيربط قلبي بقلبك
طرفه فقلب غمامة
تيجي بألف سلامة

الخيط اللي بيربط قلبي بقلبك
لو يتهز تطير
الأحلام عصافير

حبك زي المطرة الحلوة فعز الصيف
زي الشمس ما تطلع وسط الغيم تخاطيف
حبك جنة .. وانا على باب الجنة ضعيف

حبك زي سنابل قمح
زي الغيط في أوان الطرح
حبك زي العيش والملح
لطيف ..
زي المطرة فعز الصيف

حبك زي عيون الفجر
شلال عشق بيهدُر هدْر
حبك سر إلهي وأمر 
ومش بالكيف
زي المطرة فعز الصيف

حبك زي خدود الورد
زي الجمعة وجرس الحد
حبك غيّر قلبي بجد
حب نضيف
زي المطرة فعز الصيف

والخيط اللي بيربط قلبي بقلبك
حامي وناعم زي السيف

صباح الخير

أضف تعليق7:09 ص, بواسطة المحروسة

صباح الخير .. يا قلبي يا عمري يا عيوني .. 
أنا مجنونة بيك ولّا.. أنا اللي عشقت مجنوني؟

بعد منك

أضف تعليق6:40 ص, بواسطة المحروسة

عايزة أمشي ألف ميل
وابكي نيل
واحكي عنك للوجود
وارتمي فحضن العامود
وارمي راسي ع النجيل

بحكي عنك للكراسي
واحكي للناس والشجر
وانت فاكر ولّا ناسي
ولّا قلبك ده حجر؟


شرير

أضف تعليق6:24 ص, بواسطة المحروسة

بكتبلك مراسيل 
وانت عاملي تقيل
وحتندم يا جميل 
وحتحلم بمصالحة


بكتبلك بالعامي وبغازلك بالفصحى
ومالك كده شرير؟
اوعى تكون بتغِير! 
يوه دنا اموت م الفرحة!

خدلك حضن

أضف تعليق5:49 ص, بواسطة المحروسة

خدلك بوسة جناحها النور
بوسة تعدي جبال وبحور
توصل عندك، تلمس خدك
تعرف إن بعادك جور

خدلك حضن بشوق وحنين
حضن يدوّب هم سنين
يطحن روحك، يشفي جروحك
ترجع كلمَة وأمر وطين

خدلك قلب اتمرمغ فيه
يفرح وانت حتفرح بيه
قلب يساعك، كله بتاعك
وحنانك بس مدفيه



بتوحشني

أضف تعليق5:37 ص, بواسطة المحروسة
بستناك .. 
وبتوحشني لحد خلايا الدم ما توجع .. 
وهفضل كده محتارة لحد ما يوم انساك .. 
أو ترجع ..

وبتوحشني كإنك كنت معايا بجد
وبتوحشني كإني مشفتش قبلك حد
وبتوحشني كإنك ابني 
مكانك حضني 
وامّا تغيب الضحكة تخونني 
والقى الكون حواليا اتهد!

وبستناك.. 
والله ما عارفة انا لما حشوفك هعمل إيه!
تفتكر انت حتعمل إيه؟ 
لما نسلم عادي الدنيا حتفضل ماشية!
ولّا القلب حيغمى عليه! 



صباح الخير

أضف تعليق5:24 ص, بواسطة المحروسة

بوسة للعين دي وبوسة للخد
اصحى بقى لا واحشني بجد!
بوية للكف وبوسة للراس
اصحى الشوق دوبني خلاص

بوسة على قورة الحلو يصحصح
بوسة على ودن الحلو يفُوق
قوم يا جميل اتوضى وصبح
وكل لك لقمة انشالله ترُوق

بوسة على أرنوبة مناخيره
رزقك ربي الصبح وخيره
بوسة على طرف صوابعه السكر
يجعل يومك شهد مكرر

طاب بوسة على كتفه وبوسة لعنيه
زودتها خالص! أحيـــــه! :)

00?

أضف تعليق3:52 ص, بواسطة المحروسة


اسم النبي حارسه وصاينه
مشغول وشاغلني معاه

البنك الدولي مداينه
والمافيا بتجري وراه


روح قول لابوك

أضف تعليق2:26 ص, بواسطة المحروسة

روح قول لابوك البت عشقاني
بتحبني زي اللي ولداني
وبوسلي راسه عشان هاداك ليا
وانا حصلّي لمين هداك ليا
ترجع واصلي ركعتين تاني

روح قول لابوك البت ريداني
وانا رايدها بس آه ياني
لا فإيدي شيء ولا هي تملك شيء
ماشيين سوا في الحب عمياني


روح قول لابوك البت قادت نار
واخوها قاسي وخلَّى عيشها مرار
ولا همها في الحب لوامة
ولا همها حبسة سنة في الدار 


روح قول لابوك البت تعبانة
وفقلبها كلام عتاب ياما
ودمعها ع الخد من بارح 
وشكلها م الحب عيانة

روح قول لابوك البت بتوحوح
 وقلبها في العشق متسوح
 وان كان راضيلي الذل والحيرة
 هلم شوق العمر وأروّح 
وابقى قابلني ان شفت زيي اني

صوت سكاتي

أضف تعليق1:12 ص, بواسطة المحروسة

لو صوت سكاتي مريحك
 بستسمحك ..
 أَسكت وتتكلم كتير ..
 طمني بس انك بخير
 انشالله ربي يفرّحك

لو صوت سكاتي ممزجك
مش حزعجك
خد حضن دافي وابتسامة 
وبوسة م اللي تسيب علامة
 وبالسلامة.. 
لا تهين كرامتي ولا اجرحك ..

لو صوت سكاتي بيوجعك ..
أنا بسْمعك ..
وقلبي بيقولك كتير ..
طمني بس انك بخير ..

طز فيك

أضف تعليق1:08 ص, بواسطة المحروسة

روحي رايحة وفكري شارد
عقلي مش ساكن في راسي
ومخي مش عارف خلاصي
بالمناسبة .. انت بارد!

بالمناسبة طز فيك
كل عيشتك يابني Fake!
الحقيقة الباقية هي عشقي ليك!
بس قلبك بغل جاحد!
طز فيك!

طز تاني
مش حضيع فيك ثواني
ده اللي ناقص!
اللي حتى ما فيك مجانص!
حوش يا عم الوحش جامد!

طز تالت
قلبي دوشة وانت ساكت
والرموش الحلوة شابت
انت مين أصلا! دي سابت!

طز رابع
قِدتلك كل الصوابع
انت طايل تعشقك حضرة عنيا!
هش يابني حرش مية
وكِنَ عَندك
في السفر سبعِةْ فوايد

طز فيا ألف مرة
بعشقك قد المجرة
وكل كلمة طز اقولها .. عشق قايد

حُط إيدك

أضف تعليق12:55 ص, بواسطة المحروسة

حُط إيدك عند قلبي
حِس باللي بحس بيه
كُل دقة فيه يا حبي
شايلة اسمك بتناديه

حُط إيدك عند قلبي
خبي اسمك
قبل ما الناس تسمعه!
بالهداوة بعد إذنك
لالغرام المستخبي
والمحبة بيوجعوا..

حُط إيدك فوق شفايفي
 إلحق الحرف اللي طاير!
خلي اسمك حلم مخفي
 أعقُدُه فطرف الضفاير