فاكِس

تعليقان4:45 ص, بواسطة المحروسة

هاولع في وش 
اللي ييجي ويقول لي
الشعب اللي
والشعب عايز

انت اللي عايز
تلم البرايز
وتملا القزايز
عرق مسقي دم

انت اللي واطي
وعاوز تطاطي
لسيدك معاطي
ياخي جاتكو غم

انت اللي شابك
بإيدك ونابك
ف كلمة جنابك
وعامل مهم

انت اللي فاسد
وعمال تناهد
وتقول ده جاحد
وتقول ده خَم

كلامك محوَّر
وعمال تنخور
وشغال تقور
وتحشيلنا سم

يا شعبي يا واعي
يا شعبي الجنان
كتروا الأفاعي
يابو 100 لسان
يا سيدي الرفاعي
اظهر وبان
لا سوق الكلام
رطرط ولَم

     

تحرير الرسالة…

تعليقان على { فاكِس }

نوران عارف يقول...
23 يوليو، 2011 5:33 ص [حذف]

حلوة كتير على فكرة عجتنى فكرتنى بطقطوقة سيد درويش ومنيرة المهدية مع ان الاخيرة كانت اكثر انحطاطا من الاول طبعا

المحروسة يقول...
23 يوليو، 2011 8:39 ص [حذف]

ميرسي لاعجابك ومعلش اسمها ايه الطقطوقه؟ احب اسمعها :))

هل تريد التعليق على التدوينة ؟