طول عمري اخاف مالعسكري
ماما قالتلي لو ما كلتش
هاتناديلي العسكري
واما كبرت قالولي اوعي تفكري
وبابا قال لي لو سكتّش
راح ياخدني العسكري
ماعرفتش اسكت
عالحرامي المفتري
ما قدرتش اسكت
وانتي راقده تفرفري
قدام عنيه
تحت حكم العسكري
قُصر الحكايه
قمنا شلنا العسكري
جه عسكري
تفتكري لسه فيكي حيل
وهاتصبري
ستين سنه قد اللي فاتوا؟
هاتقدري؟
أنا لسه ورور
ممكن اقدر
ممكن اتغرب وأهجر
بس إنتي تروحي فين مالعسكري؟
هل تريد التعليق على التدوينة ؟