شباك

تعليق واحد5:06 ص, بواسطة المحروسة

سكِّنِّي في البدرون
أو هاتلي عزبة وقصر
أهم حاجه يكون
شباكي شايف مصر

عالحلوة والمُرَّة
مش طالبه غير سُترة
أهم حاجه يكون
شباكي على شبرا

كرسي ف تراسينا
أوفيلا ف مارينا
أهم حاجه يكون
شباكي عالمينا

يملا الدهب إيدي
أو دبله يا سيدي
أهم حاجة العِرق
يكون على صعيدي

هاتلي الحرير اتواب
أو بفته على قبقاب
مادام انا وأهلي
الباب قصاد الباب

أكِّلني لقمة بمِش
هات حلو أو ماتجيبش
أهم حاجه يكون
حلال فإيدنا القرش

تحرير الرسالة…

تعليق واحد على { شباك }

Dina Nasrini يقول...
7 أغسطس، 2011 12:03 م [حذف]

رهيييبة خليلي عينك :)

هل تريد التعليق على التدوينة ؟