هالله هالله عالجد

8 تعليق9:37 م, بواسطة المحروسة

بأه هالله هالله عالجد والجد هالله هالله عليه.... اشهدوا يا عالم اشهدوا ياخلق... المجلس ده بيستكردني... اكمني صغيرة ووحدانيه وأول مرة اخش ثورة...

أول هام: اللي اعرفه طول عمري ان العسكرية انضباط ... صح؟ يبقى لما تقول لي 6 شهور واسلمك البلد... يبقى 6 شهور وتسلمني البلد.. مش مسلماها لنقاش انا بيقبض باليومية فا عمال يتلكعلي في التسليم.. 

تاني هام: أسلمك نضيف تسلمني نضيف... مسلماك البلد مَبْوَسَه!!! شعب بيهيص في الشوارع.. وميدان التحرير ولا فرح ابن العمده... والجيش والشعب نازلين فبعض بوس ..والمسيحيين والمسلمين هاريين بعض بوس.. والسلفيين والليبراليين بيغنوا مع بعض غناوي الشيخ إمام.. والإخوان نازلين بوس في الجميع بلا استثناء!!! إيه جرا إيه؟؟ عملت إيه في العيال عشان ارجع الاقيهم مقطعين هدوم بعض كده؟؟ عملت إيه في ولادي الصغيرين المغرر بيهم؟؟ قلبت العيال على بعض ازاي كده يا قادر؟؟ 

تالت هام وده الأهم: كل يوم بعد ال 6 شهور حسابه بشهر... وحسابك بيتقل وعليك إيجار قديم مكسور كنت ناويه اطنشه.. بس المفلس بيدور في دفاتره القديمه... فا ما تخلينيش اعمل كده.

رابع هام وده الأخير: انا متقلبه قبل كده فثورتين تلاته .. ده غير الثورات اللي ماخدناهاش في المدرسة... وماعنديش استعداد كائن مين تمجلس فين يقلبني فثورة كمان... قشطه يابا؟ واضحه دي؟ بيس يا دفعه.

تحرير الرسالة…

8 تعليق على { هالله هالله عالجد }

اسماعيل يقول...
10 أغسطس، 2011 10:14 م [حذف]

مقال حديد على رأي عمنا أحمد خليل على تويتر .. بيس يا محروسة

المحروسة يقول...
10 أغسطس، 2011 10:29 م [حذف]

بيس يا مان :)

mohamed afia يقول...
10 أغسطس، 2011 11:53 م [حذف]

يسلم قلمك مقاله اكثر من رائعه : لعبت على اوتار القلب والعقل معاً : تقبلى احترامى وتقديرى ...

سامية جاهين يقول...
11 أغسطس، 2011 12:23 ص [حذف]

جامدة جدا دي! لسه ما قريتش الباقيين... حاخدهم على مهي بقى عشان الظاهر ان اني فاتني كتير :)

المحروسة يقول...
11 أغسطس، 2011 12:54 ص [حذف]

الله يخليكي يا سمسمة.. سياح بقى للعسكر لانا خلاص عندي أوفر دوز حكم عسكري وبفرفر

المحروسة يقول...
11 أغسطس، 2011 12:55 ص [حذف]

شكرا يا أستاذ محمد تابعنا تجد ما يلعب على أوتارك :)

T.G يقول...
11 أغسطس، 2011 1:19 ص [حذف]

باشا و في الجون

المحروسة يقول...
12 أغسطس، 2011 2:14 ص [حذف]

شكرا يا تامر :)

هل تريد التعليق على التدوينة ؟