فيه ناس قلوبها ف وِشَّها
لسه محَدِّش غَشَّها
ما اتقلِّدِتْش
ما اتلوِّنِتْش
قلوب تحب تخشها
فيه ناس قلوبها فكفها
لمسة إيديها تطمنك
وامّا تسلِّم تحضنك
تقولش عِش
ما يتفارِقش
قلوب تحب تعيشلها
فيه ناس قلوبها ف طرف عين بيوشوشك
بكلام لا يمكن يخدشك
انشالله عمر ما نتحرِمش
من ضِل رِمش
دارى قلوب بنحبها
2 comments:
جميلة يا مروة :)
انتي الأجمل .. دي خلاصة رحلة القاهرة.. يوم جميل شعرت مع نهايته بإحساس غريب بالفقد وطلعت دي. :)
إرسال تعليق