صباح الخير

تعليقان3:11 ص, بواسطة المحروسة


صباح الحبال اللي ناشره الهوى
 صباح البنات اللي من غير نوى
 صباح اللي منه العليل ارتوى
صباح المدمس وشوب القصب

صباح لاعتاب اللي وراهاش عَتَب
وأحضان حنان ماللي تهري التعب
صباحك مزَهَّر
صباحك معَطَّر
صباح الصبايا اللي ليها العجب

صباح الصنايعي صباح الشقا
صباح الجبين اللي زرعه اتسقى
صباح اللي إدى ولِم يِلتقى
ولا يوم شكاها ولا يوم حَسَب

صباح اللي قايمين يودوا المدارس
صباحك يا رايقه يا ست العوانس
صباح الأدان اللي صحا الكنايس
 تصحي الخلايق ب رقة وأدب

صباح اللي ثاروا صباح الرجال
صباح البنات اللي توزن جبال
صباح اللي عرفوا جواب السؤال
صباح لانتفاضة صباح الغضب

صباح اللي لسه متربس دماغه
صباح ال يافطه وهتاف جابو داغو
صباح اللي لفوا صباح اللي زاغوا
صباح اللي قايمين يكافحوا الشغب

تحرير الرسالة…

تعليقان على { صباح الخير }

Hossam Elamir يقول...
1 سبتمبر، 2011 11:27 ص [حذف]

مين اللي قايمين يكافحو الشغب لمؤاغزه

المحروسة يقول...
2 سبتمبر، 2011 10:11 م [حذف]

دي تريقه لا مؤاخذه :))

هل تريد التعليق على التدوينة ؟