راجعين

تعليق واحد12:35 ص, بواسطة المحروسة

غني يا أحجار الميدان
رجعوا الوحوش
رجعوا الوحوش
راجعين لأحضان الوطن
نشبع حنان
راجعين لزفات النعوش

نفس الهتاف بيلمنا
ولاعادش حاجة تهمنا

صوت الوطن أجمل الأدان
نادى الوطن ملقاش جبان

حب الوطن فوق العروش
فوق الجيوش
ارفع أدان الثورة
واللي يحوش يحوش


غني يا شبابيك البنات
ما بقاش بنات متستّره
كل العرايس ف عيادات
بيداووا جرحى المجزرة
محلا الشفايف والرموش
وهيّ حرة معفَّره
رجعوا الوحوش السُكَّره

تحرير الرسالة…

تعليق واحد على { راجعين }

الطلياوي يقول...
16 سبتمبر، 2011 7:52 ص [حذف]

ما شاء الله تحياتي وتقديري
امضاء قارئ مصري

هل تريد التعليق على التدوينة ؟