يا مصر يا واحدة يا ملايين
تشرق عليكي الشمس تكوي الطين
تطرح غيطان القمح بالفدادين
يا معلمة الأنبيا يا مأدبه السلاطين
يا مصر يا واحدة يا موَحِّدة
إزاي ف عِز العركة شكلِك كده؟
يا امّ العيون ب الهمّ متحددة
سوق الحلاوة الوان وانتي من ده وده
يا مصر يا واحدة واحنا ماشالله كتار
طول عمر خيرك يجري بالقنطار
من إمتى شح السمن في الدوار؟
إحنا اللي زدنا والا الحرامي حمار؟
تعليق واحد على { يا مصر يا واحدة - تأثرا بمطلع قصيدة أستاذنا أمين حداد }
24 أبريل 2012 في 6:50 م [حذف]
الله الله الله وياريت نعدل ( وإلا الحرامى) إلى (واللا ) بعد إذن حضرتك
هل تريد التعليق على التدوينة ؟