من هنا ورايح

أضف تعليق8:37 ص, بواسطة المحروسة

أوقات يا مصر بتبقي أحلى من العسل
و فثانيه أنسى اللي حصل
والقى العيون بيدمعوا
لمّا العيال يتجمَّعوا
وصوت هتافهم يتوَصَل 

أوقات يا مصر بتدهشيني بروعتك
ومحبتك
واحس قلبي بيتفَرَط
إزاي فهمتك بالغلط

أوقات يا مصر بتخذليني
أو بخذِلِك
لكن ف لحظة بتنجديني
وانا بتهِلِك
أوقات كده وأوقات كده
لكن خلاص متأكده
إني الدوباره ف مغزلِك‎

ومن هنا ورايح ...
اللي يشوف ده الشعب يِحْتِرْمُه
واللي يدوس ع الأرض .. بالراحة
الشهدا نايمه جوّه مرتاحة
حتى الملايكه فوق بيبتسموا ‎

تحرير الرسالة…

هل تريد التعليق على التدوينة ؟