حد عارف؟

أضف تعليق8:52 م, بواسطة المحروسة


هوّ ليه الليل بيزعل
لمّا نترجّاه يفوت
ولّا ليه الصبح يتقَل
ع اللي زهقان م السكوت
ولّا ليه الشمس تسأل
قبل ما تخش البيوت
حد عارف؟ 

طب وليه البحر هادي
والمطر بيشُق فيه
ولّا ليه الموج ينادي
لشط يتكسّر فوقيه
ولّا ليه الشط عادي
والبشر بتدوس عليه
حد عارف؟ 

طب وليه الضحكة ترقص
لمّا بس تشوف عنيك
ولّا ليه الحزن يُقرُص
قلبي لو شديت إديك
ولّا ليه القلب يُحرُس
قلب قال له مش شاريك
حد عارف؟

تحرير الرسالة…

هل تريد التعليق على التدوينة ؟