هتافات جديدة

6 تعليق6:27 م, بواسطة المحروسة

  • أنا لانا قابض ولا متموِّل ~ أنا مش لاقي يا مصر أفوِّل
  • أنا لا يسار ولا كنت يميني ~ بس العسكر طلَّع ديني
  • أنا لا أجنده ولا كنتاكي ~ حكم العسكر ليه قسّاكي
  • ومش هيفيدك كاب وبيادة ~ إنتو جهنم واحنا شهادة
  • ومش هيفيدَك غاز ورصاص ~ حكم العسكر بح خلاص
  • أيوَه انا لابسه عباية كباسين ~ إيش عرفني انكو نِجْسين
  • إحلق شنبك وارسم حاجبَك ~ والنسوان هتجيبلَك حقَّك
  • أيوَه بنات نازلين نتظاهِر ~ قصَّر يابني وهات م الآخر
  • وياما حريم عملوا مظاهرات ~ من أيام سعد يا بهوات
  • و ياللي بتحبس في الثوار ~ قبلك حسني عملها وغار
  • لفّق لفّق في الأخبار~ الكذاب بيروح النار
  • وياللي بتحرق في الميادين~ كانت دامت قبلَه لمين
  • يا اللي بتسأل ع التمويل ~ المجلس خاين وعميل
  • يا اللي بتسأل عايزين إيه ~ حقي وحقك عند البيه
  • يا اللي بتسأل ع الخيام ~ جرب وسط الضرب تنام
  • لا برادعاوي ولا إخوان ~ مصري وبايت في الميدان
  • أيوَه بدقن ومش إرهابي ~ ليه العسكر سرقوا شبابي
  • مش بلطجي ولا وش مشاكل ~ بس تراب أرضنا يستاهل
  • نفسك تحكم مصر يا جيش ~ كان على عيني حكم مفيش
  • قول لي يا مجلس مين اختارك ~ يا عصابة معينها مبارك
  • يا اللي دخلتوا البرلمان~إياكو تنسوا الميدان
  • لانتخابات ع العين والراس ~ بس نحِس ب فَرْق يا ناس
  • يا طنطاوي قول لرويني ~ اللي اداك الكيف يديني
  • ياطنطاوي اقول لك حاجة ~ إحنا كمان عندنا تلاجه
  • يا طنطاوي قول لعنان ~ الإخوان رجعوا الميدان "ده تقولوه لما تلاقوا الإخوان دخلوا عليكو عشان تشجعوهم يهتفوا معاكو" :)
  • يا مشير يا مشير ~ الجماعه في التحرير "يمشي إخوان ويمشي جماعه إسلامية.. قولوه أول ما تشوفوا واحد بدقن :))"خليكو فاكرين.. العدو واحد..والهدف واحد.

تحرير الرسالة…

6 تعليق على { هتافات جديدة }

The Ladybird يقول...
17 يناير، 2012 2:23 ص [حذف]

:D
إبتكاااااااااااار

قلـمـــــى يعنــــى أنــــــا يقول...
17 يناير، 2012 3:52 ص [حذف]

جميلة جدا

تسلم ايدك

أحمد الدكروري يقول...
17 يناير، 2012 9:42 ص [حذف]

يا مشير يا مشير ~ الجماعه في التحرير "يمشي إخوان ويمشي جماعه إسلامية.. قولوه أول ما تشوفوا واحد بدقن :))"خليكو فاكرين.. العدو واحد..والهدف واحد.


ههههههههههههههههههههههههه
و نعم الوحدة الوطنية ....
تسلم الأيادي ((:

oussy يقول...
17 يناير، 2012 9:46 ص [حذف]

أأه يا مجلس عسكر عار .... راحوا فين 70 مليار ....

أأأه يا مجلس عسكر عار .... سنة كاملة و لا حتى دولار ....

oussy يقول...
17 يناير، 2012 9:46 ص [حذف]

أزال المؤلف هذا التعليق.

Mohamed Al-Abassy يقول...
17 يناير، 2012 10:37 م [حذف]

this is o-sum :)
just one thing it's "yally da5alto el barlaman -- eyako tenso elmeedan" I think it wud be easier to say if ew3oo is said instead of eyako! just sayin' :) still it's sayable with eyako anyway
good day :)

هل تريد التعليق على التدوينة ؟