مصر كبيرة ولسه هتكبر
مصر الريف مش بس البندر
مصر النوبة السمرا السكَّر
مصر صعيدها اللي بيتطوَّر
مصر كبيرة
مصر البدوية ام ضفاير
مصر ف سينا بتبني عماير
مصر على الترعه بتتساير
مصر كفوف بتلِم بشاير
مصر مكن ف مصانع داير
مصر كبيرة
مصر بلحية ولابسه خمار
مصر بنات بتقول أشعار
مصر هتافنا القايد نار
مصر حليم بيقول جباااااااااااار
مصر كبيرة
مصر تساع م الحلم تلاته
وتساع م الأفكار ملايين
مصر اهى قايمة تقول تاتا تاتا
يحرسها ربي من العين
قولوا اسم الله.. يا مصريين
*الصورة أعلاه ل فضية سالم بنت عبيد الله, أول نائبة بدوية في البرلمان. شكرا للثورة.. وشكرا لسيناء.
تعليق واحد على { مصر كبيرة }
24 يناير 2012 في 12:16 م [حذف]
بصراحة
شعرك اكثر من رائع
تحيتي
هل تريد التعليق على التدوينة ؟