مالك يا مصر معَقْرَبه
وممسِّكانا الكهربا
فين الدلع والطبطبة
يا ام العيال
مالك يا غاليه مسَهْوِكَه
ودقنك ف خَدِّي مشَوِّكَه
كانت الأيادي مشبِّكَه
بأه حالنا حال
مالك يا مصر مقَنْفِدَه
ومسلِّمانا ل دَه وِده
وعامْله ف عزانا معدِّده
ودمعك زُلال
مالك يا مصر مسهِّمَه
ومستسلِمَه
كَنِّ الأمور متقَسِّمَة
ومفهاش سؤال
مالك يا مصر وفيكي إيه
متَّاوِي في العتمة
بتداري عنِّي عنيكي ليه؟
فكراني مش فاهمه؟
هل تريد التعليق على التدوينة ؟