أنا الحمار

تعليقان9:26 ص, بواسطة المحروسة

أنا الحمار يا غجر
والعك زهَّقني
وان كان ابويا صَبَر
غباكو نطَّقني

بتجيبوا سيرتي ليه
في الراحه والجايّه
عملت فيكم إيه
فا بتشتموا بيّا

شايل بلاكو سنين
ولا قلت آه يانا
صدق اللي قال ناكرين
وعنيكو فرغانه
م الغيط لباب الدار
وصاحبي فوق نايم
بالذمه انا اللي حمار
ولّا انتو يا أوادم!

عمرك سمعت حمار قتل أخوه الدونكي؟
ولّا عرفت حمار ب يعس في الموسكي؟
ولا يوم هتلقى حمار رافعلك السونكي
مين الحمار يا حمار يا فصيلة المانكي!

واكمني برضو بهيم
عملت فيها حمار
زهقان وبيزعّق
أما الحمار فَ حَكيم
وسايبنا بننهَّق 




تعديل الرسالة…

تعليقان على { أنا الحمار }

Ahmed Fahmy يقول...
19 فبراير 2012 في 5:37 م [حذف]

ايه الجمال ده انتي اكيد احتكيتي بالحمار كتير اليوميين اللي فاتوا :)

:)))

omda يقول...
28 مارس 2012 في 11:18 م [حذف]

هههههههههههههههههههههههههههههههههههههههههههههههههههههههههههههههههههههههههههههههههههههههههههه والله عنده حق

بس مش فاهم طبيعة المرحلة

هل تريد التعليق على التدوينة ؟