مخنوق

تعليقان12:47 م, بواسطة المحروسة


لمّا تحِس انَّك مخنوق
ارفع راسك حبَّة لفوق
إما الهوا هـ يوسّع صِدرَك
إمّا السما ترميلَك طوق

واما تحس الناس وحشين
خليك أحسن م الباقيين
تلقى الدنيا بترْمي فـ حِجرك
ناس ولا كل البني آدمين

واما تحس انك متضايق
أو مش فايق
خُدلك دوش وسرَّح شعرك
فوَّض للي بيُجْبُر أمرك
تِصْبَح  رايق 

واما تحس الثورة بعافية
إدعي على اللي جابولها الكافيَة
وانزل ع القهوة اللي فـ ضهرك
وَعِّي الناس واشرب حاجه دافية

تحرير الرسالة…

تعليقان على { مخنوق }

donkejota يقول...
18 أبريل، 2012 7:44 م [حذف]

انت جامد جدا على فكرة
فزيع فزيع يعني

مروة جمعة يقول...
29 أبريل، 2012 5:25 ص [حذف]

:-) أنا لما بحس بكده، بفتكر قصيدة كم تشتكي لإيليا أبو ماضي..

هل تريد التعليق على التدوينة ؟