بحبِّك من ورا القضبان يا شمساية
وعِشقي زيُّه زي زمان بلا نهاية
يقولوا عبط يقولوا جنان
يمامة بتعشق السجان
وخليهم يقولوا كمان
ده عِشْقِك غِيَّة وهواية
بغنيلِك وانا تعبان
وانا مكوي بغنيلك
ومنك لما اكون زعلان
فحضنك بقعد اشكيلِك
ولو بغرق وانا غرقان
في يمك بردو بناديلِك
واشوفِك لسّه مرسايا
يا سارق فرحتي بيها
كفاية خلي عندك دم
ده مهما دفنتني فيها
هي الهم واللي أهم
ولو مكتوب علينا الغم
كفاية نحبها كفاية
كفاية نحبها كفاية
كفاية.. نحبها كفاية
تعليقان على { عِشق اليمام }
10 مايو 2012 في 4:49 م [حذف]
إبداع
11 مايو 2012 في 7:00 ص [حذف]
3gbtny awy
mashallah inty 7bibteny fi el sh3r bgd :)
www.stylista0fashionista.blogspot.com
هل تريد التعليق على التدوينة ؟