عيانة

أضف تعليق3:30 ص, بواسطة المحروسة



عيانة لدرجة مش قادرة أكتب ولا ارد,,
وعنيا الحمرا المنفوخة منظرها يخض,,
 والشغل متلتل متأجل وانا لازم اصد,,
 عيانة بجد ومش قادرة ادعولي لابُد,,

البرد مكلبش في مفاصلي ,,
 برد من الفاجر م الأصلي ,, 
مين اللي ما سمّى وبصبصلي؟
 البراذرهود؟

سطل اللمون جابش عمايله
والجنزبيل أثبت فشله
الطب فينه وفين أهله؟
قرِّبت أعض!

قال لك ده إيه نقص مناعة ,,
 ومفيش دوا أدام فيه رضاعة ,,
 قضّيها بأه طِب خزاعة ,,
شوربة كوارع أو هُدهد!




تحرير الرسالة…

هل تريد التعليق على التدوينة ؟