عمر ,, بياع البطاطا

أضف تعليق10:10 ص, بواسطة المحروسة

وبمنتهى البساطة 
 قتلوا بتاع البطاطا 

 قال لك وصلة مزاح 
كركر سن السلاح 
دخلت قلب الصغيّر 
الطلقات اعتباطا 
 بمنتهى البساطة!

وبمنتهى النطاعة
والواد سايح في دمه
قنديل كل اللي همه
يدي دروس في الرضاعة

وبمنتهى البرود 
قال لك غلطة جنود
 تغور كل العساكر
يغور كل البارود

وبمنتهى الهدوء
طلع عادي الشروق
شهيد بيجر شهدا
كتروا اخواتنا اللي فوق

تحرير الرسالة…

هل تريد التعليق على التدوينة ؟