حجرين ماس

أضف تعليق8:41 ص, بواسطة المحروسة

يا اللي عيونك حجرين ماس
وانا ولا عنتر ولا نواس
 ولا بفهم مزيكا افرنجي
 ولا بحضر ندوات في كارنجي
 بس رايدكي يا بنت الناس! 

يا اللي عيونك جوز عصافير
 هدِّي حبابة .. دحنا غلابة
 قلبك إيه له ميت ترباس!
 نظرة فعين العبد زكاة ..
 عن دي الضحكة وده الإحساس

يا اللي عيونك مقبرتين
ما اتفتحوش ,, ما اتنهبوش
ولا عتِّبهم زاهي حواس ..
فكرك ابوكي هيرضى بعشة؟
وامك ترضى بشبكة نحاس؟ 

يا اللي عيونك جوز سنانير
أنا مش حمل مناهدة كتير
قولي لابوكي يا أفندينا
جايلك واحد قلبه سفينة
رايد يرمي ف شطي أساس

تحرير الرسالة…

هل تريد التعليق على التدوينة ؟