خُد حسنتك

أضف تعليق9:02 ص, بواسطة المحروسة


مش حصبّح .. مش حمسّي .. مش حعاكسك
 وان مشيت في الدنيا دوغري .. حمشي عكسك ..
مش عاجبني .. لقيتني دايبة .. شفت نفسك!

مش حشاغلك .. خلي شغلك ينفعك ..
مش حقولك قولّي ع اللي بيوجعك ..
قلبي عندك .. بعد منّي .. مين يا حلو يدلعك!

مش ححايل مش حصالح مش حدَادي
 انت عندي م النهاردة حد عادي ..
حبقى زيك .. بحر لكن .. بحر هادي .. 

بالسلامة .. خد حسنتك واتكل
 انت مين علشان احبك واتهبل
 ألف غيرك دابوا فيا .. وانت عني بتنشِغِل!


تحرير الرسالة…

هل تريد التعليق على التدوينة ؟