حزين الليل

تعليقان8:39 م, بواسطة المحروسة

حزين الليل وبيتكتك
ودمع العين بيتلكك
وكل ما فيا بيشكك
في كل الناس
,,
حزين القلب وبيبكي
معلِّي النبض وبيحكي
مع الأنفاس

في قلبي نار ما بتدَفي
وتايهة خطوطي من كفي
وكل العمر ما يكفي
ندم ودموع
,,
وكلمة ترن في وداني
يعيدها القلب من تاني
معادش رجوع 

كإن الليل بيقصُدني
مسلَّط بردُه على حضني
وكلمة تجيبني وتاخدني
لوجع وعذاب
,,
كإن الآهة مقسومة
وسِكِّة دمع مرسومة
في خدِّي جواب 

كإن الشوق ملوش آخر
كإني طير وبيهاجر
مكان ما عنيك دي بتسافر
أنا ويّاك
,,
كإن الكون بيكْسرني
أروح لعنيك تفسَّرني
ألاقي هواك

تحرير الرسالة…

تعليقان على { حزين الليل }

الــــرأى الحـــر يقول...
31 يناير، 2012 9:00 م [حذف]

فعلا عن جدارة انتى تستحقى لقب المحروسه ربنا يحرسك ويحفظك وتفضلى تمتعينا بكلامك الحلو دة :)

Rainbow يقول...
12 فبراير، 2012 3:08 م [حذف]

هاااااااايل جداااااااااااا

هل تريد التعليق على التدوينة ؟