حزين الليل وبيتكتك
ودمع العين بيتلكك
وكل ما فيا بيشكك
في كل الناس
,,
,,
حزين القلب وبيبكي
معلِّي النبض وبيحكي
مع الأنفاس
في قلبي نار ما بتدَفي
وتايهة خطوطي من كفي
وكل العمر ما يكفي
ندم ودموع
,,
,,
وكلمة ترن في وداني
يعيدها القلب من تاني
معادش رجوع
كإن الليل بيقصُدني
مسلَّط بردُه على حضني
وكلمة تجيبني وتاخدني
لوجع وعذاب
,,
,,
كإن الآهة مقسومة
وسِكِّة دمع مرسومة
في خدِّي جواب
كإن الشوق ملوش آخر
كإني طير وبيهاجر
مكان ما عنيك دي بتسافر
أنا ويّاك
,,
,,
كإن الكون بيكْسرني
أروح لعنيك تفسَّرني
ألاقي هواك
3 تعليق على { حزين الليل }
31 يناير 2012 في 9:00 م [حذف]
فعلا عن جدارة انتى تستحقى لقب المحروسه ربنا يحرسك ويحفظك وتفضلى تمتعينا بكلامك الحلو دة :)
12 فبراير 2012 في 3:08 م [حذف]
هاااااااايل جداااااااااااا
15 نوفمبر 2020 في 1:27 م [حذف]
خدمات عجمان – المحترف للصيانة – الامارات
شركات صبغ في عجمان
صباغ رخيص فى عجمان
هل تريد التعليق على التدوينة ؟