لمّا تحِس انَّك مخنوق
ارفع راسك حبَّة لفوق
إما الهوا هـ يوسّع صِدرَك
إمّا السما ترميلَك طوق
واما تحس الناس وحشين
خليك أحسن م الباقيين
تلقى الدنيا بترْمي فـ حِجرك
ناس ولا كل البني آدمين
واما تحس انك متضايق
أو مش فايق
خُدلك دوش وسرَّح شعرك
فوَّض للي بيُجْبُر أمرك
تِصْبَح رايق
واما تحس الثورة بعافية
إدعي على اللي جابولها الكافيَة
وانزل ع القهوة اللي فـ ضهرك
وَعِّي الناس واشرب حاجه دافية
